Hoof Uitvoerende Beampte
Erenst Pelser
Erenst het in 1979 aan die Hoërskool Overkruin in Pretoria gematrikuleer, waarna hy die graad B.Com (Ekonomie) verwerf het aan die Universiteit van Pretoria. Weens beursverpligtinge het hy by die Raad vir die Desentralisasie van Nywerhede begin werk as Nywerheidsadviseur in 1983. Na verskeie bestuurskursusse en opleidingsprogramme is hy op die ouderdom van 26 bevorder tot Direkteur: Nywerheidsvestiging wat hom op daardie stadium onderskei het as die jongste direkteur in die staatsdiens se geskiedenis. In 1989 het die NOK (Nywerheid Ontwikkelingskorporasie) hom genader vir ‘n bestuurspos . As Bestuurder: Bestaande Belange, gedurende die tydperk vanaf 1989 tot 1998, was hy blootgestel aan gespesialiseerde akademiese opleiding via NOK / Unisa , onder andere in Kredietbestuur, Risikobestuur, Bemarkingsbestuur, Finansiële bestuur en Strategiese beplanning. Hy het NOK op verskeie genoteerde en ongenoteerde maatskappye se direksies verteenwoordig waar hy ook by drie maatskappye as Voorsitter gedien het. Hy het NOK ook op die Raad vir die Desentralisasie van Nywerhede verteenwoordig. In 1998 word hy aangestel as Hoof Uitvoerende Beampte by SSK. Erenst is getroud met Annemarie en hulle het ‘n seun en twee dogters. Hy is lief vir jag , die natuur en versamel uitsonderlike wyne.
Hoofbestuurder: Bedrywe
Henk de Beer
Henk het in 1982 aan die Hoërskool Vredenburg gematrikuleer. Hy het ‘n BSc Agric graad aan die Universiteit van Stellenbosch en ‘n Magister graad in Volhoubare Landbou aan die Universiteit van die Vrystaat verwerf. Hy het in 1989 by SSK as ‘n Landbou-Ekonoom begin werk waarna hy bevorder is tot kredietbestuurder in 1997 en later as Hoofbestuurder van Produkte. Hierna is hy in 2010 bevorder tot Hoofbestuur Bedrywe.
vacant
vacant
Henry Gale
Henry het in 1988 aan die hoërskool Pionier te Vryheid KwaZulu Natal gematrikuleer. Hy het daarna militêre diensplig voltooi te Voortrekker Hoogte tot 1990. In 1991 begin hy te Natalse Landbou Koöperasie as leerling gradeerder en vorder tot Silobestuurder in 1994. In 1996 word hy bevorder tot Produkte Bestuurder by die Natalse Landbou Koöperasie en behou die pos tot 2004 waarna Natalse Landbou Koöperasie geamalgameer met Afgri (Pty) Ltd. Hy word Streeksbestuurder Hantering en Berging – Natal tot 2010 waarna hy aansluit by SSK. Hy is getroud met Carla en het ʼn seun. Hy is lief vir die natuur en landbou en beoefen graag sport soos langafstand hardloop en hengel.
Adam van Wyk
Adam van Wyk matrikuleer te Paul Roos Gimnasium in 1998 waarna hy sy B.Rek en Bcomm Bestuursrek Hons. by die Universiteit van Stellenbosch verwerf. Hy slaag ook sy Geoktrooieerde Bestuursrekeningkunde eksamens in 2004 waarna hy in verskillende industrieë in finansiële en operasionele bestuur spesialiseer en sy breë besigheidbestuur ondervinding opdoen. Mees onlangs het hy as operasionele bestuurder by Southern Oil op Swellendam gewerk. Adam is passievol oor groeiende en dinamiese besighede en projekte. Hy is getroud met Lize van Wyk en het twee kinders, ‘n dogtertjie en seuntjie. Hy hou van nuwe projekte aanpak en om in sy af tyd houtwerk te doen.
André Burger
André het is 1990 aan die Hoërskool CR Swart op Brandfort gematrikuleer. Na skool het hy een van sy passies gaan uitleef en dadelik as Staandemaglid by die SANW aangesluit, in 1996 verlaat hy die SANW met die rang van Kaptein. Sy loopbaan in die landboubedryf het in 1997 by Senwes as ‘n Verkoopsklerk begin. Later het hy by Senwes en Afgri as Takbestuurder by onderskeidelik Dewetsdorp, Petrusburg, Marble Hall en Bloemfontein diens gedoen. Hy voltooi die MPP en BOP bestuursprogramme aan die Universiteit van Bloemfontein. André en sy vrou Annalise, het twee kinders, ‘n seun en ‘n dogter. Hy spandeer elke oomblik van sy vrye tyd om ‘n gedeelde passie, rots en strandhengel, saam met sy seun uit te leef. Hy is ook lief daarvoor om met sy hande te werk.
Hoofbestuurder: Admin en Finansies
Villiers van Veen
Villiers het in 1997 gematrikuleer aan die Hoër Landbouskool Boland waarna hy die grade B.Rek by die Universiteit van Stellenbosch en B.Compt (Hons) by UNISA verwerf het. Hy het sy klerkskap by Moores Rowland voltooi en as Geoktrooieerde Rekenmeester gekwalifiseer, waarna hy by Ernst & Young in die VSA, Nederland, Namibië, Noorweë, Ghana en Suid-Afrika gewerk het. Na sy terugkeer na Suid-Afrika het hy ook die Geoktrooïeerde Finansiële Ontleder kwalifikasie verwerf en was die Beleggings Risiko Spesialis, en later Bestuurder, by Momentum Batebestuur (voorheen Metropolitan Bate Bestuurders) voor hy hom by SSK aangesluit het. Hy is getroud met Catherine, ‘n onderwyseres, wat sy liefde vir familie, vriende, die natuur en ‘peanut butter milkshakes’ deel. Hulle het 3 kinders, ‘n tweeling en ‘n jonger boetie.
Andre Joubert
André Joubert het grootgeword op Swellendam en aan Paarl Gimnasium gematrikuleer. Hy verwerf ‘n B.Agric. Admin- asook ‘n Honneursgraad in Landbou-ekonomie aan die Universiteit Stellenbosch. Na sy studies is hy werksaam in beide Engeland asook die Falkland Eilande. Terug in Suid-Afrika het hy onderskeidelik 5 jaar elk by FNB en ABSA as Landbou-ekonoom gewerk en omgesien na die Weskus sowel as die Overberg-distrik. Hy is getroud met Sunette en is die trotse pa van ‘n pragtige dogtertjie en seuntjie. In sy vrye tyd geniet hy bergfiets ry, tyd met familie en vriende en natuurlik ‘n lekker braai.
Jacques Buys
Jacques het in 1995 aan die hoërskool Montagu gematrikuleer. Hy het sy naskoolse studies by die destydse Kaapse Technikon voltooi in 1999 en het ʼn ND: Interne Ouditkunde verwerf. Sy loopbaan het begin as Interne Ouditeur by Lewis. Hierna het hy ‘n jaar lank as ouditklerk by ‘n ouditfirma gewerk alvorens hy die landbou sektor betree het as Finansiële Rekenmeester by Bester Voer- & Graanbeurs. Op 1 September 2004 begin hy as Interne Ouditeur /Rekenmeester by SSK, hy is in Julie 2008 bevorder tot Finansiële Rekenmeester, en in Junie 2009 tot Bestuurder: Administrasie & Finansies, in September 2012 tot Bestuurder: Informasie in die nuwe SSK bestuurstruktuur. Hy is getroud met Annemie en het twee dogters en ‘n seun. Hy geniet tyd saam met sy familie in die natuur en kamp graag. Hy speel graag gholf en het ‘n passie vir voertuie oud & nuut.
Alwyn Burger
Alwyn het aan die Hoërskool Overberg op Caledon gematrikuleer in 1991. Na hy sy diensplig voltooi het, het hy sy aanvanklike studies begin deur sy ND: Personeelbestuur te verwerf aan die destydse Kaapse Technikon, en daarna deeltyds sy graad in Menslike Hulpbronbestuur deur Unisa voltooi tesame met sy akkreditasie by die SABPP as Geoktrooieerde Praktisyn. Hy het ook sy Graad in Besigheidsadministrasie deur Unisa voltooi in 2015. Hy het sy loopbaan begin as Opleidingsbeampte vir Stellenbosch Farmers Winery, was vir vier jaar Personeelbeampte by Swartland Groep en het daarna die landbou betree as Menslike Hulpbronbestuurder by landbou maatskappye Noord Boland/ Boland Agri en MKB voor sy aanstelling by SSK as MH Bestuurder op 1 April 2006. Hy is ook ‘n kranige fietsryer en in sy vrye tyd soek hy die natuur op, is lief vir fotografie en vinnige motors.
Koos van Zyl
Koos het in 1994 aan die Hoërskool Langenhoven op Riversdal gematrikuleer. In 1995 begin hy werk by Eerste Nasionale Bank en verwerf ook sy B.Com graad deur UNISA. Na 16 jaar in die Bankwese begin hy aan die einde van 2010 by SSK as Bestuurder: Finansies en Administrasie te Heidelberg tak. Koos is getroud met Adri en hulle het drie kinders.
Emmie Germishuys
Emmie is ‘n boorling van die Karoo en het groot geword in Steynsburg waar sy in 2001 aan die privaatskool Paul Kruger Kollege matrikuleer. Sy het aan die Universiteit van die Vrystaat die Grade B Rek (Cum Laude) en B Rek Honneurs verwerf. As beurshouer voltooi sy haar klerkskap by Pricewaterhouse Coopers op Robertson en kwalifiseer as Geoktrooieerde Rekenmeester in 2009 na die suksesvolle voltooiing van beide raadseksamens. Sy begin op 1 Oktober 2009 as Rekenmeester by SSK en is sedert September 2012 in die pos van Senior Bestuurder: Finansies. Sy behaal die graad B Com Regte deur Unisa in 2015. Emmie is lief vir sport en sy en haar man Rohan speel graag gholf en sy draf ook om fiks te bly. Hulle het 2 seuns.
Herbert Streicher
Herbert is ʼn boorling van George waar hy in 1994 aan die Hoërskool Outeniqua gematrikuleer het. Na skool het hy begin om sy passie vir Informasie Tegnologie uit te leef deur sy MCSE by ITIQ in Kaapstad te verwerf. Na 5 jaar as Informasie Tegnologie Bestuurder by Tuinroete Agri sluit hy September 2013 by SSK aan as Senior Bestuurder Inligtingstegnologie. Hy studeer tans DIP ITE deur Unisa. Herbert is getroud met Suzanne, ʼn kleuterskool onderwyseres, en hulle geniet om hulle vrye tyd saam met hulle twee Basset honde te spandeer.
Annelie van Wyk
Annelie matrikuleer aan die Hoërskool Menlopark in Pretoria. Sy verwerf ‘n Meestersgraad in Sielkunde aan die Universiteit van Pretoria in 1992. Vorige werkgewers sluit in die Nywerheidsontwikkelings Koöperasie, Datacentrix en Tuinroete Agri. Sy is tans Senior Bestuurder: Bemarking en Kommunikasie by SSK en is die Redaktrise van die Wenakker.
Sy is getroud met Fanie, ‘n Kliniese Sielkundige. Hulle bly in Mosselbaai en het 4 kinders. Die hele gesin deel ‘n passie vir die buitelewe en geniet alles wat die natuur bied.